مصیبتیں تو اٹھا کر بڑی بڑی بھولے

مصیبتیں تو اٹھا کر بڑی بڑی بھولے

مگر فراق کی ایذا نہ اک گھڑی بھولے

نہ ہوگی اس لب رنگیں کی آب و تاب نصیب

نہ اپنے رنگ پہ پھولوں کی پنکھڑی بھولے

کسی نے پیار سے باہیں گلے میں ڈال جو دیں

تمام ہجر کے صدمے ہم اس گھڑی بھولے

ابھی وہ یاد ہیں ساماں ہمیں اسیری کے

ابھی نہ طوق نہ بیڑی نہ ہتھ کڑی بھولے

تمہیں جو دیکھ لیا غم غلط ہوا اپنا

تمہیں جو پا گئے سب رنج اس گھڑی بھولے

بری بلا ہے یہ چشم سیاہ کی گردش

اسے جو دیکھ لے آہو تو چوکڑی بھولے

گری تھی شیخ کی تسبیح میکدے میں رات

خبر نہیں کہ کہاں نشے میں چھڑی بھولے

حفیظؔ وہ دم رخصت یہ کہتے جاتے ہیں

کہ میری یاد نہ دل سے کوئی گھڑی بھولے

(718) ووٹ وصول ہوئے

Your Thoughts and Comments

Musibaten To UTha Kar BaDi BaDi Bhule In Urdu By Famous Poet Hafeez Jaunpuri. Musibaten To UTha Kar BaDi BaDi Bhule is written by Hafeez Jaunpuri. Enjoy reading Musibaten To UTha Kar BaDi BaDi Bhule Poem on Inspiration for Students, Youth, Girls and Boys by Hafeez Jaunpuri. Free Dowlonad Musibaten To UTha Kar BaDi BaDi Bhule by Hafeez Jaunpuri in PDF.