Aaj Yun Dard Tera Dil Ke Ufuq Par Chamka

aaj yun dard tera dil ke ufuq par chamka

jaise do pul ke liye subh ka aKHtar chamka

yun ziya-bar rahi hijr ki shab yaad teri

gham ka shoala tere ruKHsar se baDh kar chamka

KHak-e-gulshan se na koi bhi sharara phuTa

fasl-e-gul aai na koi bhi gul-e-tar chamka

ab nahin ahl-e-nazar ahl-e-basirat koi

lal samjhe hain use jab koi patthar chamka

ek kiran chhoD gaya dida-o-dil mein 'hafiz'

wo hasin ashk ki jo nok-e-mizha par chamka