Ek To KHud Apni Ghamgini

ek to KHud apni ghamgini

us par un ki nukta-chini

apni shirini bhi talKHi

un ki talKHi bhi shirini

khul jaega ye bhi ek din

kis ne kis ki rahat chhini

kafi hai kya ye kah dena

sab haalat ki hai sangini

kar nahin sakti hum ko qail

sirf ibarat ki rangini

hai ye wafa wo jurm-e-mohabbat

hai jis ke padash yaqini

kya malum kisi ki mushkil

KHuddari hai ya KHud-bini

aap ki ra-e-ali kya hai

din hai behtar ya be-dini

kya kahna us hosh-o-KHirad ka

sujhti hai jis ki shauqini

apne daman ko bhi dekhen

ho manzur jinhen gul-chini

achchhe achchhon ko ai hairat

le Dubi hai be-aini

(700) Peoples Rate This

Your Thoughts and Comments

Ek To KHud Apni Ghamgini In English By Famous Poet Hairat Shimlavii. Ek To KHud Apni Ghamgini is written by Hairat Shimlavii. Read famous Poem Ek To KHud Apni Ghamgini for youth and Student by Hairat Shimlavii. Free Download Ek To KHud Apni Ghamgini in PDF.