غم زدہ زندگی رہی نہ رہی

غم زدہ زندگی رہی نہ رہی

خوش رہے ہم خوشی رہی نہ رہی

زندگی کی حسین راہوں میں

چھاؤں ٹھنڈی کبھی رہی نہ رہی

چاند تاروں میں زندگی کاٹی

آپ کو یاد بھی رہی نہ رہی

راہ مستی میں وہ چراغ ملے

جل گئے روشنی رہی نہ رہی

جب کوئی راہ پر لگا ہی نہیں

رہبری رہبری رہی نہ رہی

رہ گئی بات آپ کی چلئے

میری وقعت رہی رہی نہ رہی

دے کے امید پوچھتے ہیں مجھے

دل میں حسرت کوئی رہی نہ رہی

عمر گزری گناہ گاری میں

فکر انجام کی رہی نہ رہی

اپنے مرکز پہ آ گیا ہوں ہریؔ

غم نہیں زندگی رہی نہ رہی

(662) ووٹ وصول ہوئے

Your Thoughts and Comments

Gham-zada Zindagi Rahi Na Rahi In Urdu By Famous Poet Hari Mehta. Gham-zada Zindagi Rahi Na Rahi is written by Hari Mehta. Enjoy reading Gham-zada Zindagi Rahi Na Rahi Poem on Inspiration for Students, Youth, Girls and Boys by Hari Mehta. Free Dowlonad Gham-zada Zindagi Rahi Na Rahi by Hari Mehta in PDF.