دل کو خیال یار نے مخمور کر دیا

دل کو خیال یار نے مخمور کر دیا

ساغر کو رنگ بادہ نے پر نور کر دیا

مانوس ہو چلا تھا تسلی سے حال دل

پھر تو نے یاد آ کے بدستور کر دیا

گستاخ دستیوں کا نہ تھا مجھ میں حوصلہ

لیکن ہجوم شوق نے مجبور کر دیا

کچھ ایسی ہو گئی ہے تیرے غم میں مبتلا

گویا کسی نے جان کو مسحور کر دیا

بیتابیوں سے چھپ نہ سکا ماجرائے دل

آخر حضور یار بھی مذکور کر دیا

اہل نظر کو بھی نظر آیا نہ روئے یار

یاں تک حجاب نور نے مستور کر دیا

حسرتؔ بہت ہے مرتبۂ عاشقی بلند

تجھ کو تو مفت لوگوں نے مشہور کر دیا

(1723) ووٹ وصول ہوئے

Your Thoughts and Comments

Dil Ko KHayal-e-yar Ne MaKHmur Kar Diya In Urdu By Famous Poet Hasrat Mohani. Dil Ko KHayal-e-yar Ne MaKHmur Kar Diya is written by Hasrat Mohani. Enjoy reading Dil Ko KHayal-e-yar Ne MaKHmur Kar Diya Poem on Inspiration for Students, Youth, Girls and Boys by Hasrat Mohani. Free Dowlonad Dil Ko KHayal-e-yar Ne MaKHmur Kar Diya by Hasrat Mohani in PDF.