عالم حیرت کا دیکھو یہ تماشا ایک اور
عالم حیرت کا دیکھو یہ تماشا ایک اور
یار نے آئینے میں اپنا سا دیکھا ایک اور
مرنے والوں میں رہا جاتا ہے جیتا ایک اور
نیم بسمل ہوں میں قاتل ہاتھ پورا ایک اور
رفتہ رفتہ دل کو دل سے راہ ہو جائے کہیں
ان سے ملنے کا رہے پوشیدہ رستہ ایک اور
ایک تو مسی کا نقشہ جم رہا ہے شام سے
پان کی لالی نے رنگ اپنا جمایا ایک اور
میں نے مانا آپ نے بوسے دیئے میں نے لیے
وہ کہاں نکلی جو ہے میری تمنا ایک اور
یاد میں اک شوخ پنجابی کے روتے ہیں جو ہم
آج کل پنجاب میں بہتا ہے دریا ایک اور
ان کا جھومر دیکھ کر کہنے لگے اہل زمیں
دیکھ لے اے آسماں عقد ثریا ایک اور
جیتے جی تو دامن صحرا کا خلعت مل گیا
بعد مرنے کے ملے ان کا دوپٹہ ایک اور
بزم سے ساقی کے ہم سے رند نکلے پاک صاف
اپنا اب کعبہ میں پہنچے گا مصلیٰ اک اور
شاعران عصر کی تجھ کو تو ہے پیغمبری
بو سیلمی بھی ہوئے اے مہرؔ پیدا ایک اور
(858) ووٹ وصول ہوئے
Aalam-e-hairat Ka Dekho Ye Tamasha Ek Aur In Urdu By Famous Poet Hatim Ali Mehr. Aalam-e-hairat Ka Dekho Ye Tamasha Ek Aur is written by Hatim Ali Mehr. Enjoy reading Aalam-e-hairat Ka Dekho Ye Tamasha Ek Aur Poem on Inspiration for Students, Youth, Girls and Boys by Hatim Ali Mehr. Free Dowlonad Aalam-e-hairat Ka Dekho Ye Tamasha Ek Aur by Hatim Ali Mehr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends