Ku-e-jaanan Mein Nahin Koi Guzar Ki Surat

ku-e-jaanan mein nahin koi guzar ki surat

dil uDa phirta hai TuTe hue par ki surat

hum to manzil ke talabgar the lekin manzil

aage baDhti hi gai rahguzar ki surat

wo rahen samne mere to tasalli warna

dil bhi kambaKHt bhaTakta hai nazar ki surat

ruh afsurda pareshan KHayalat mein gum

aisi pahle kabhi dekhi thi bashar ki surat

meri qismat mein mohabbat ne yahi likkha hai

dard bhi dil mein rahe zaKHm-e-jigar ki surat

baiTh jaen kisi goshe mein simaT kar ai dost

kaun gardish mein rahe shams-o-qamar ki surat

wo gae ghar se to phir hum ne bhi ghar ko chhoDa

hum se dekhi gai diwar na dar ki surat

chand aansu hi mere dil pe 'falak' gir jaen

aatish-e-gham se sulagta hai sharar ki surat

(961) Peoples Rate This

Your Thoughts and Comments

Ku-e-jaanan Mein Nahin Koi Guzar Ki Surat In English By Famous Poet Heera Lal Falak Dehlvi. Ku-e-jaanan Mein Nahin Koi Guzar Ki Surat is written by Heera Lal Falak Dehlvi. Read famous Poem Ku-e-jaanan Mein Nahin Koi Guzar Ki Surat for youth and Student by Heera Lal Falak Dehlvi. Free Download Ku-e-jaanan Mein Nahin Koi Guzar Ki Surat in PDF.