Musalman Aur Hindostan

tariKH ba-har daur ulaTti hai waraq aur

mazhab mein hai lekin watniyat ka sabaq aur

tu mard-e-musalman hai to ek baat zara sun

aaghosh-e-tayaqqun se haqiqat ki sada sun

ye sach hai musalman tabahi se ghira hai

ek waswasa-e-la-mutanahi se ghira hai

aalam ki had apne shikanje mein liye hai

ek daur-e-masaib hai ki narghe mein liye hai

aaram hai mafqud sukun pas nahin hai

ab jaise ki jine ki koi aas nahin hai

aafat nigal jaane ko munh khol rahe hain

KHatraat har ek samt baham bol rahe hain

pazmurdagi-o-KHauf ka har ghar mein hai phera

har dil mein hirasani0-e-be-had ka hai Dera

be-rabt hai be-zabt hai be-rah-numa hai

muslim hai ki be-azm hai be-hausla-pa hai

amwaj-e-hawadis mein hai iman-parasti

tufan ki zad par hai musalman ki kashti

ye baat jahan mein hai purani bhi nai bhi

har qaum ko milti hai saza us ke kiye ki

tum aaj magar apnon se munh moD rahe ho

ab sar pe musibat hai to ghar chhoD rahe ho

ye feal musalman ke shayan to nahin hai

ye din nahin mazhab nahin iman to nahin hai

bhaarat ke ba-har-haal wafadar bano tum

namus ke izzat ke nigah-dar bano tum

(2091) Peoples Rate This

Hindii Gorakhpurii's More Poetry

Your Thoughts and Comments

Musalman Aur Hindostan In English By Famous Poet Hindii Gorakhpurii. Musalman Aur Hindostan is written by Hindii Gorakhpurii. Read famous Poem Musalman Aur Hindostan for youth and Student by Hindii Gorakhpurii. Free Download Musalman Aur Hindostan in PDF.