رہے گا عقل کے سینے پہ تا ابد یہ داغ

رہے گا عقل کے سینے پہ تا ابد یہ داغ

کہ زندگی نے بھی پایا نہ زندگی کا سراغ

عجیب طرح گزارا ہے دور تیرہ شبی

جلا جلا کے بجھائے ہیں میں نے کتنے چراغ

ہے جینے والوں کی خاطر یہ کیسی مجبوری

نہ زندگی کا فراغ اور نہ زندگی سے فراغ

یہ کچھ ہمارے ہی قلب تپیدہ کو ہے خبر

فروغ نور سے کیا کیا نہ جل بجھے ہیں چراغ

ہے روشنی کے لئے روشنی پیام اجل

سحر قریب ہے اور جھلملا رہے ہیں چراغ

مجھے بتا کہ ہے اس مے میں کیف مے کتنا

میں جانتا ہوں کہ خالی نہیں کسی کا ایاغ

کسی طرح سہی بدلے تو رسم پارینہ

اگائے جاؤ بیاباں اجاڑتے چلو باغ

دکھا رہا ہوں میں دنیا کو دل کا آئینہ

بہ ایں یقیں کہ نہیں ماہتاب بھی بے داغ

یہ رات محفل آدم پہ ہے گراں حرمتؔ

بھڑک اٹھے ہیں خود اپنی ہی روشنی سے چراغ

(744) ووٹ وصول ہوئے

Your Thoughts and Comments

Rahega Aql Ke Sine Pe Ta-abad Ye Dagh In Urdu By Famous Poet Hurmatul Ikaram. Rahega Aql Ke Sine Pe Ta-abad Ye Dagh is written by Hurmatul Ikaram. Enjoy reading Rahega Aql Ke Sine Pe Ta-abad Ye Dagh Poem on Inspiration for Students, Youth, Girls and Boys by Hurmatul Ikaram. Free Dowlonad Rahega Aql Ke Sine Pe Ta-abad Ye Dagh by Hurmatul Ikaram in PDF.