یہ تکلف یہ مدارات سمجھ میں آئے

یہ تکلف یہ مدارات سمجھ میں آئے

ہو جدائی تو ملاقات سمجھ میں آئے

روح کی پیاس پھواروں سے کہیں بجھتی ہے

ٹوٹ کے برسے تو برسات سمجھ میں آئے

جاگتے لب مرے اور اس کی جھپکتی آنکھیں

نیند آئے تو کہاں بات سمجھ میں آئے

لی تھی موہوم تحفظ کے گھروندے میں پناہ

ریت جب بکھری تو حالات سمجھ میں آئے

انگلیاں جسم کے سب عیب و ہنر جانتی ہیں

لمس جاگے تو اک اک بات سمجھ میں آئے

سیکڑوں ہاتھ مرے قتل میں ٹھہرے ہیں شریک

ایک دو ہوں تو کوئی بات سمجھ میں آئے

کبھی اترا ہی نہیں اس کے تکلف کا لباس

ہو برہنہ تو ملاقات سمجھ میں آئے

کوئی آساں نہیں جل جل کے سحر کر لینا

شمع بن جاؤ تو پھر رات سمجھ میں آئے

تم کسی ریت کے ٹیلے پہ کھڑے ہو عبرتؔ

اٹھے طوفاں تو پھر اوقات سمجھ میں آئے

(1250) ووٹ وصول ہوئے

Your Thoughts and Comments

Ye Takalluf Ye Mudaraat Samajh Mein Aae In Urdu By Famous Poet Ibrat Machlishahri. Ye Takalluf Ye Mudaraat Samajh Mein Aae is written by Ibrat Machlishahri. Enjoy reading Ye Takalluf Ye Mudaraat Samajh Mein Aae Poem on Inspiration for Students, Youth, Girls and Boys by Ibrat Machlishahri. Free Dowlonad Ye Takalluf Ye Mudaraat Samajh Mein Aae by Ibrat Machlishahri in PDF.