یہ بستی جانی پہچانی بہت ہے

یہ بستی جانی پہچانی بہت ہے

یہاں وعدوں کی ارزانی بہت ہے

شگفتہ لفظ لکھے جا رہے ہیں

مگر لہجوں میں ویرانی بہت ہے

سبک ظرفوں کے قابو میں نہیں لفظ

مگر شوق گل افشانی بہت ہے

ہے بازاروں میں پانی سر سے اونچا

مرے گھر میں بھی طغیانی بہت ہے

نہ جانے کب مرے صحرا میں آئے

وہ اک دریا کہ طوفانی بہت ہے

نہ جانے کب مرے آنگن میں برسے

وہ اک بادل کہ نقصانی بہت ہے

(1080) ووٹ وصول ہوئے

Your Thoughts and Comments

Ye Basti Jaani-pahchani Bahut Hai In Urdu By Famous Poet Iftikhar Arif. Ye Basti Jaani-pahchani Bahut Hai is written by Iftikhar Arif. Enjoy reading Ye Basti Jaani-pahchani Bahut Hai Poem on Inspiration for Students, Youth, Girls and Boys by Iftikhar Arif. Free Dowlonad Ye Basti Jaani-pahchani Bahut Hai by Iftikhar Arif in PDF.