Dar-o-diwar KHud-kushi Kar Len

dar-o-diwar KHud-kushi kar len

hum jo na-chaar KHud-kushi kar len

phir na kahna mazaq tha pyare

waqai yar KHud-kushi kar len

kaam karna hi shart hai to phir

kyun na is bar KHud-kushi kar len

jin charaghon ko maut ka Dar hai

wo sar-e-dar KHud-kushi kar len

us se pahle ki samain sewam

aham kirdar KHud-kushi kar len

jo hain nadan wo zindagi jhelen

aur samajhdar KHud-kushi kar len

main to kahta hun josh ki manen

sab qalam-kar KHud-kushi kar len