Chahta Hun Tujhe Nabi Ki Qasam
chahta hun tujhe nabi ki qasam
hazrat-e-murtaza-ali ki qasam
mujhe ghamgin na chhoD rota aaj
tujhe apni hansi-KHushi ki qasam
saf kah baiThiye na ji mein jo ho
aap ko apni sadgi ki qasam
main dilai qasam to kahne lage
hum nahin mante kisi ki qasam
sadqa hota hun jis ghaDi mujh ko
yaad aati hai us pari ki qasam
hae kahna wo us ka chupke se
tujhe 'insha' hamari ji ki qasam
Insha Allah Khan 'Insha' 
(770) Peoples Rate This