Faqirana Hai Dil Muqim Uski Rah Ka

faqirana hai dil muqim us ki rah ka

gharaz kya ki muhtaj ho baadshah ka

KHadang aah ka ai falak be-tarah hai

bharosa tu taron ki mat kar zirah ka

KHarabaat ki jab se lazzat paDi hai

chhuTa baiThna masjid-o-KHanqah ka

tawaf-e-haram tujh ko zahid mubarak

mera aur tera nahin sath rah ka

sanam-KHana jata hun tu mujh ko nahaq

na bahka na bahka na bahka na bahka

tere munh se kuchh bu jo aati hai mai ki

dimagh-e-dil us waqt jata hai mahka

raqibon ke dil chaak misl-e-katan hon

guzar us taraf ho agar apne rah ka

teri aashnai mein kya hum ne paya

diya naqd-e-dil aur apni girah ka

chamak kar tu ai barq mat mar chashmak

to maston ki aatish ko mat aur dahka

tabhi lutf hai saqiya mai-kashi ka

ki tu bhi bahak aur mujh ko bhi bahka

kabhi tujh se 'insha' ne bosa na manga

gunahgar hai wo faqat ek nigah ka

(803) Peoples Rate This

Your Thoughts and Comments

Faqirana Hai Dil Muqim Uski Rah Ka In English By Famous Poet Insha Allah Khan 'Insha'. Faqirana Hai Dil Muqim Uski Rah Ka is written by Insha Allah Khan 'Insha'. Read famous Poem Faqirana Hai Dil Muqim Uski Rah Ka for youth and Student by Insha Allah Khan 'Insha'. Free Download Faqirana Hai Dil Muqim Uski Rah Ka in PDF.