Jo Hath Apne Sabze Ka GhoDa Laga
jo hath apne sabze ka ghoDa laga
to sulfe ka aur us ko koDa laga
mere hi jo bazu mein ek nil sa
so tere hai panw ka toDa laga
aji chashm-e-bad-dur nam-e-KHuda
tumhein kya bhala surKH joDa laga
bhala aap sharmae kis waste
kabutar ka baham jo joDa laga
ye dukhti nigahon se ghura mujhe
ki dukhne mere dil ka phoDa laga
lagi kahne 'insha' ko shab wo pari
mujhe bhut ho ye nigoDa laga
Insha Allah Khan 'Insha' 
(734) Peoples Rate This