Kya Bhala ShaiKH-ji The Dair Mein ThoDe Patthar

kya bhala shaiKH-ji the dair mein thoDe patthar

ki chale kaba ke tum dekhne roDe patthar

ai basa kohna imaraat-e-maqabir jin ke

logon ne chob-o-chagal ke liye toDe patthar

jao ai shaiKH o barahman haram-o-dair ko tum

bhai bezar hain hum hum ne ye chhoDe patthar

kabhi dil-ha-e-butan tujh se pasijen ai ashk

to ye hum jaanen ki bas tu ne nichoDe patthar

na chire nok se nashtar ke ayazam-billah

koi ushshaq ke the chhati ke phoDe patthar

kos baiThen fuqara ahl-e-duwal ko to abhi

un ke hathi hon pahaD aur ye ghoDe patthar

gar sag-e-gursina le shum ke matbaKH ki bas

to bhala haDDi ki ja kya wo bhanboDe patthar

na hinsa main jo hansane se shab un ki to kaha

tujhe qurban karun hae nigoDe patthar

ek ghazal aur suna de hamein 'insha' har-chand

tu ne is mein bhi kisi Dhab ke na chhoDe patthar

(462) Peoples Rate This

Your Thoughts and Comments

Kya Bhala ShaiKH-ji The Dair Mein ThoDe Patthar In English By Famous Poet Insha Allah Khan 'Insha'. Kya Bhala ShaiKH-ji The Dair Mein ThoDe Patthar is written by Insha Allah Khan 'Insha'. Read famous Poem Kya Bhala ShaiKH-ji The Dair Mein ThoDe Patthar for youth and Student by Insha Allah Khan 'Insha'. Free Download Kya Bhala ShaiKH-ji The Dair Mein ThoDe Patthar in PDF.