Lag Ja Tu Mere Sina Se Darwaza Ko Kar Band
lag ja tu mere sina se darwaza ko kar band
de khol qaba apni ki be-KHauf-o-KHatar band
afsun-e-nigah se teri ai saqi-e-bad-mast
shishe mein hui misl-e-pari apni nazar-band
makDate hue phirte hain hum kuche mein us ke
kya kijiye darwaza idhar band udhar band
ya shah-e-najaf nam ishaare mein tera lun
ho jae dam-e-naza zaban mere agar band
aawe wo agar yar-e-safar-karda to 'insha'
main dauD ke kis lutf se khulwaun qamar-band
Insha Allah Khan 'Insha' 
(871) Peoples Rate This