Lo Faqiron Ki Dua Har Tarah Aabaad Raho

lo faqiron ki dua har tarah aabaad raho

KHud raho maujen karo taze raho shad raho

aire-ghaire wo jo hon shauq se chaT kar lo unhen

par KHuda walon ki karte hue imdad raho

qumri-e-bagh-e-bahisht ab jo ye be-faKHta hain

unhen bhi kah do ki tum sarw se aazad raho

did us ki hai karo jis ne banaya sab kuchh

na ki har lahza fida-e-gul-o-shamshad raho

dam mein se jo chhuTe hain unhen ye hukm hua

ki bas ab gard-e-dar-e-KHana-e-sayyaad raho

ja ke auron se bado yaad-faramosh wale

KHud-faramoshon ko maula meri tum yaad raho

surat aawe jo nazar khinch lo us ki taswir

apne is waqt ke tum mani-o-bahzad raho

chaman-e-amn-o-aman ke tumhein ho sair-nasib

sain allah sada bar-sar-e-irshad raho

aish-o-ishrat karo har waqt tum 'insha-allah'

husn chamkae phiro sab mein pari-zad raho

(969) Peoples Rate This

Your Thoughts and Comments

Lo Faqiron Ki Dua Har Tarah Aabaad Raho In English By Famous Poet Insha Allah Khan 'Insha'. Lo Faqiron Ki Dua Har Tarah Aabaad Raho is written by Insha Allah Khan 'Insha'. Read famous Poem Lo Faqiron Ki Dua Har Tarah Aabaad Raho for youth and Student by Insha Allah Khan 'Insha'. Free Download Lo Faqiron Ki Dua Har Tarah Aabaad Raho in PDF.