زبانوں پر نہیں اب طور کا فسانہ برسوں سے

زبانوں پر نہیں اب طور کا فسانہ برسوں سے

تجلی گاہ ایمن ہے دل دیوانہ برسوں سے

کچھ ایسا ہے فریب نرگس مستانہ برسوں سے

کہ سب بھولے ہوئے ہیں کعبہ و بت خانہ برسوں سے

وہ چشم فتنہ گر ہے ساقئ مے خانہ برسوں سے

کہ باہم لڑ رہے ہیں شیشہ و پیمانہ برسوں سے

نہ اب منصور باقی ہے نہ وہ دار و رسن لیکن

فضا میں گونجتا ہے نعرۂ مستانہ برسوں سے

چمن کے نونہال اس خاک میں پھولیں پھلیں کیونکر

یہاں چھایا ہوا ہے سبزۂ بیگانہ برسوں سے

یہ آنکھیں مدتوں سے خوگر برق تجلی ہیں

نشیمن بجلیوں کا ہے مرا کاشانہ برسوں سے

ترے قرباں ادھر بھی ایک جھونکا ابر رحمت کا

جبینوں میں گرہ ہے سجدۂ شکرانہ برسوں سے

سہیلؔ اب کس کو سجدہ کیجئے حیرت کا عالم ہے

جبیں خود بن گئی سنگ در جانانہ برسوں سے

(1194) ووٹ وصول ہوئے

Your Thoughts and Comments

Zabanon Par Nahin Ab Tur Ka Fasana Barson Se In Urdu By Famous Poet Iqbal Suhail. Zabanon Par Nahin Ab Tur Ka Fasana Barson Se is written by Iqbal Suhail. Enjoy reading Zabanon Par Nahin Ab Tur Ka Fasana Barson Se Poem on Inspiration for Students, Youth, Girls and Boys by Iqbal Suhail. Free Dowlonad Zabanon Par Nahin Ab Tur Ka Fasana Barson Se by Iqbal Suhail in PDF.