Paband-e-gham-e-ulfat Hi Rahe Go Dard-e-dahindan Aur Sahi

paband-e-gham-e-ulfat hi rahe go dard-e-dahindan aur sahi

ashkon ki rawani tham na saki aankhon ke the arman aur sahi

aadab-e-chaman anjam to de gul se na haTa titli ko saba

ulfat ki haya mahfuz rahe go tujh mein hon tufan aur sahi

ho sai-e-karam ghairon pe agar apnon pe mazaq-e-am na ho

hum rah mein hain Thokar hi to de manzil ke hon shayan aur sahi

is dasht-e-wafa mein qais bhi hai aur shaiKH bhi hai mushtaq-e-milan

jo wasl nahin to kya gham hai kuchh lamhe ibaran aur sahi

ek gul jo gira barnai mein bulbul ko yahi afsos raha

mashghul raha gham-KHwari mein hon fasl-e-bahaaran aur sahi

andaz-e-saba se waqif hun aur rabt-e-bahar se bhi baaligh

ruKH moD ke chalna jina hai KHwah us ke hon payan aur sahi

(670) Peoples Rate This

Your Thoughts and Comments

Paband-e-gham-e-ulfat Hi Rahe Go Dard-e-dahindan Aur Sahi In English By Famous Poet Irfan Ahmad Mir. Paband-e-gham-e-ulfat Hi Rahe Go Dard-e-dahindan Aur Sahi is written by Irfan Ahmad Mir. Read famous Poem Paband-e-gham-e-ulfat Hi Rahe Go Dard-e-dahindan Aur Sahi for youth and Student by Irfan Ahmad Mir. Free Download Paband-e-gham-e-ulfat Hi Rahe Go Dard-e-dahindan Aur Sahi in PDF.