Zehn Ho Tang To Phir ShoKHi-e-afkar Na Rakh

zehn ho tang to phir shoKHi-e-afkar na rakh

band tah-KHanon mein ye daulat-e-bedar na rakh

zaKHm khana hi jo Thahra to badan tera hai

KHauf ka nam magar lazzat-e-azar na rakh

ek hi chiz ko rahna hai salamat pyare

ab jo sar shanon pe rakkha hai to diwar na rakh

KHwahishen toD na Dalen tere sine ka qafas

itne shah-zor parindon ko giraftar na rakh

ab main chup hun to mujhe apni dalilon se na kaT

meri TuTi hui talwar pe talwar na rakh

aaj se dil bhi tere haal mein hota hai sharik

le ye hasrat bhi meri chashm-e-gunahgar na rakh

waqt phir jaane kahan us se mila de tujh ko

is qadar tark-e-mulaqat ka pindar na rakh

(480) Peoples Rate This

Your Thoughts and Comments

Zehn Ho Tang To Phir ShoKHi-e-afkar Na Rakh In English By Famous Poet Irfan Siddiqi. Zehn Ho Tang To Phir ShoKHi-e-afkar Na Rakh is written by Irfan Siddiqi. Read famous Poem Zehn Ho Tang To Phir ShoKHi-e-afkar Na Rakh for youth and Student by Irfan Siddiqi. Free Download Zehn Ho Tang To Phir ShoKHi-e-afkar Na Rakh in PDF.