Pas-manzaron Ke Samne Manzar Hi Rah Na Jaen

pas-manzaron ke samne manzar hi rah na jaen

sinon ke raaz sinon ke andar hi rah na jaen

kahne ki baat aur hai karne ki baat aur

yani ye soch lijiye kah kar hi rah na jaen

dekho wahi to waqt nahin aa raha hai phir

phir aaj apne sath bahattar hi rah na jaen

ek dusre ko ye jo haDap kar rahe hain hum

socho zamin na ho to samundar hi rah na jaen

is bar gir paDi hain chhaten bhi makan ki

is bar hath hath pe dhar kar hi rah na jaen

bhai dua ka shish-mahal bhi hai koi chiz

hathon mein bad-duaon ke patthar hi rah na jaen

kuchh kar ke ai 'nishat' dikhao wagarna phir

afrasiyab-o-KHizr-o-sikandar hi rah na jaen

(658) Peoples Rate This

Your Thoughts and Comments

Pas-manzaron Ke Samne Manzar Hi Rah Na Jaen In English By Famous Poet Irtiza Nishat. Pas-manzaron Ke Samne Manzar Hi Rah Na Jaen is written by Irtiza Nishat. Read famous Poem Pas-manzaron Ke Samne Manzar Hi Rah Na Jaen for youth and Student by Irtiza Nishat. Free Download Pas-manzaron Ke Samne Manzar Hi Rah Na Jaen in PDF.