Sar-e-shaKH-e-talab Zanjir Nikli

sar-e-shaKH-e-talab zanjir nikli

ye kis ke KHwab ki tabir nikli

zamin par be-zamini ki kasak hai

ye mere nam ki jagir nikli

iradon se nikal aae irade

mere andar ajab tamir nikli

darichon par dariche khul rahe hain

har ek taswir mein taswir nikli

safar mein phir safar ke KHwab aaen

yahi har KHwab ki tabir nikli

sar-afraazi ka manzar dekhta tha

barahna-sar har ek tauqir nikli

(644) Peoples Rate This

Your Thoughts and Comments

Sar-e-shaKH-e-talab Zanjir Nikli In English By Famous Poet Ishaq Athar Siddiqui. Sar-e-shaKH-e-talab Zanjir Nikli is written by Ishaq Athar Siddiqui. Read famous Poem Sar-e-shaKH-e-talab Zanjir Nikli for youth and Student by Ishaq Athar Siddiqui. Free Download Sar-e-shaKH-e-talab Zanjir Nikli in PDF.