شہر پر رات کا شباب اترے

شہر پر رات کا شباب اترے

مجھ پہ تنہائی کا عذاب اترے

آنکھیں برسیں تو ٹوٹ کر برسیں

دھوپ اترے تو بے حساب اترے

ہم نئی فکر کے پیمبر ہیں

ہم پہ بھی اک نئی کتاب اترے

پسلیوں کے نحیف نیزوں پر

بھوک کے زرد آفتاب اترے

خوب تھا اہتمام دار و رسن

ہم وہاں سے بھی کامیاب اترے

شہر بہرا ہے لوگ پتھر ہیں

اب کے کس طور انقلاب اترے

آفریںؔ شعر وہ تو جھوٹے تھے

اب صداقت کا کوئی باب اترے

(902) ووٹ وصول ہوئے

Your Thoughts and Comments

Shahr Par Raat Ka Shabab Utre In Urdu By Famous Poet Ishrat Afreen. Shahr Par Raat Ka Shabab Utre is written by Ishrat Afreen. Enjoy reading Shahr Par Raat Ka Shabab Utre Poem on Inspiration for Students, Youth, Girls and Boys by Ishrat Afreen. Free Dowlonad Shahr Par Raat Ka Shabab Utre by Ishrat Afreen in PDF.