گر نشے میں کوئی بے فکر و تامل باندھے

گر نشے میں کوئی بے فکر و تامل باندھے

چشم مے گوں کو تری جام پر از مل باندھے

ذکر‌ قامت میں اگر فکر ترقی نہ کرے

رشک طوبی تو لکھے گو بہ‌ تنزل باندھے

طبع کی سلسلہ جنباں جو پریشانی ہو

گیسوئے‌ غالیہ سا کو ترے سنبل باندھے

نالہ تو وہ ہے کہ گھبرا کے اٹھا دے پردہ

لیک نظارہ کی ہمت بھی تحمل باندھے

کچھ نہ بن آئے گی جب لوٹ مچائے گی خزاں

غنچہ ہر چند گرہ کس کے زر گل باندھے

روبرو اس کے لب عرض تمنا نہ ہلے

زور‌ افسون نظر سے گئے بالکل باندھے

ہیں ترے بند قبا عقدۂ دشوار مرے

کہ جو کھولے نہ کھلے اور جو گئے کھل باندھے

نہ بچے پر نہ بچے سیل فنا سے نہ بچے

گر کوئی کنگرۂ‌ چرخ پہ بھی پل باندھے

آنکھ کھلنے بھی نہ پائی تھی کہ اس نے فوراً

بند برقعے کے بہ انداز تغافل باندھے

ہائے وہ صید کہ صیاد کے پیچھے لپکے

سر کو فتراک پہ ہر دم بہ‌ تفاول باندھے

(831) ووٹ وصول ہوئے

Your Thoughts and Comments

Gar Nashe Mein Koi Be-fikr-o-tammul Bandhe In Urdu By Famous Poet Ismail Merathi. Gar Nashe Mein Koi Be-fikr-o-tammul Bandhe is written by Ismail Merathi. Enjoy reading Gar Nashe Mein Koi Be-fikr-o-tammul Bandhe Poem on Inspiration for Students, Youth, Girls and Boys by Ismail Merathi. Free Dowlonad Gar Nashe Mein Koi Be-fikr-o-tammul Bandhe by Ismail Merathi in PDF.