بند کمرے میں دم نہ گھٹ جائے

بند کمرے میں دم نہ گھٹ جائے

کھڑکیاں کھول دو ہوا آئے

آ کے سورج سروں پہ بیٹھ گیا

چھپ گئے ہیں بدن بدن سائے

اتنا دم تو کسی دئے میں نہیں

کون پاگل ہوا کو ٹھہرائے

کیا کریں لے کے ایسی بارش کو

رنگ پھولوں کا جس میں دھل جائے

کبھی تجھ کو بھی بھولنا چاہوں

کوئی شیطان ہے جو بہکائے

دشت جاں پر برس رہے ہیں رنگ

ایک آنچل فضا میں لہرائے

قید زندان خامشی میں کوئی

خود بھی تڑپے مجھے بھی تڑپائے

(695) ووٹ وصول ہوئے

Your Thoughts and Comments

Band Kamre Mein Dam Na GhuT Jae In Urdu By Famous Poet Izhar Varsi. Band Kamre Mein Dam Na GhuT Jae is written by Izhar Varsi. Enjoy reading Band Kamre Mein Dam Na GhuT Jae Poem on Inspiration for Students, Youth, Girls and Boys by Izhar Varsi. Free Dowlonad Band Kamre Mein Dam Na GhuT Jae by Izhar Varsi in PDF.