Rawan Kis Ko KHabar Unwan-e-aghaz-e-jahaan Kya Tha

'rawan' kis ko KHabar unwan-e-aghaz-e-jahaan kya tha

zamin ka kya tha naqsha aur rang-e-asman kya tha

yahi hasti isi hasti ke kuchh TuTe hue rishte

wagarna aisa parda mere un ke darmiyan kya tha

tera baKHsha hua dil aur dil ki ye hawas-kari

mera is mein qusur ai dast-gir-e-asiyan kya tha

agar kuchh roz zinda rah ke mar jaana muqaddar hai

to is duniya mein aaKHir bais-e-taKHliq-e-jaan kya tha

hum itne fasle par aa gae hain ahd-e-mazi se

KHabar ye bhi nahin ajdad ka nam-o-nishan kya tha

kisi barq-e-tajalli par zara sa ghaur kar lena

agar ye jaanna ho aalam-e-ruh-e-'rawan kya tha

(817) Peoples Rate This

Your Thoughts and Comments

Rawan Kis Ko KHabar Unwan-e-aghaz-e-jahaan Kya Tha In English By Famous Poet Jagat Mohan Lal Ravan. Rawan Kis Ko KHabar Unwan-e-aghaz-e-jahaan Kya Tha is written by Jagat Mohan Lal Ravan. Read famous Poem Rawan Kis Ko KHabar Unwan-e-aghaz-e-jahaan Kya Tha for youth and Student by Jagat Mohan Lal Ravan. Free Download Rawan Kis Ko KHabar Unwan-e-aghaz-e-jahaan Kya Tha in PDF.