تقدیر جب معاون تدبیر ہو گئی

تقدیر جب معاون تدبیر ہو گئی

مٹی پہ کی نگاہ تو اکسیر ہو گئی

دل جاں نثار مے ہے زباں تائب شراب

اس کشمکش میں روح کی تعزیر ہو گئی

چھینٹیں جو خوں کی دامن قاتل میں رہ گئیں

محشر میں میرے قلب کی تفسیر ہو گئی

یا قتل کیجئے مجھے یا بخش دیجیے

اب ہو گئی حضور جو تقصیر ہو گئی

شبنم اوڑھی گلوں سے مرا نقشہ کھنچ گیا

مرجھا گئی کلی مری تصویر ہو گئی

زندانیاں کاکل ہستی کدھر کو جائیں

اک زلف سب کے پاؤں کی زنجیر ہو گئی

میں کہہ چلا تھا داور محشر سے حال دل

اک سرمگیں نگاہ گلو گیر ہو گئی

بس تھم گیا سفیر عمل کہہ کے یا نصیب

جس جا پہ ختم منزل تدبیر ہو گئی

توڑا ہے دم ابھی ابھی بیمار ہجر نے

آئے مگر حضور کو تاخیر ہو گئی

جب اپنے آپ پر ہمیں قابو ملا رواںؔ

آسان راز دہر کی تفسیر ہو گئی

(898) ووٹ وصول ہوئے

Your Thoughts and Comments

Taqdir Jab Muawin-e-tadbir Ho Gai In Urdu By Famous Poet Jagat Mohan Lal Ravan. Taqdir Jab Muawin-e-tadbir Ho Gai is written by Jagat Mohan Lal Ravan. Enjoy reading Taqdir Jab Muawin-e-tadbir Ho Gai Poem on Inspiration for Students, Youth, Girls and Boys by Jagat Mohan Lal Ravan. Free Dowlonad Taqdir Jab Muawin-e-tadbir Ho Gai by Jagat Mohan Lal Ravan in PDF.