Subh Ho Sham Judai Ki Ye Mumkin Hi Nahin

subh ho sham judai ki ye mumkin hi nahin

hijr ki raat wo hai jis ke liye din hi nahin

subh karna shab-e-gham ka kabhi mumkin hi nahin

aa ke din pher de apne wo koi din hi nahin

dil-e-be-tab mohabbat ko ho kis tarah sukun

donon harfon mein jab us ke koi sakin hi nahin

kya mazammat hai mujhe subh-e-shab-e-hijr un se

jin se kahta tha ki bachna mera mumkin hi nahin

shab-e-furqat use maut aa gai mere badle

de azan subh ki kaun aaj moazzin hi nahin

bistar-e-gham se uTha kar ye biThata hai hamein

koi juz dard-e-jigar aur muawin hi nahin

rah chalte bhi ye puchhen ki kidhar aa nikle

jaise hum kucha-e-mahbub ke sakin hi nahin

yaad-e-gesu ne dikhaya hai wo aalam hum ko

raat rahti hai jahan aaTh pahar din hi nahin

banda-e-ishq hain iman ki kahte hain 'jalal'

hum ko kafir jo samajhta hai wo momin hi nahin

(420) Peoples Rate This

Your Thoughts and Comments

Subh Ho Sham Judai Ki Ye Mumkin Hi Nahin In English By Famous Poet Jalal Lakhnavi. Subh Ho Sham Judai Ki Ye Mumkin Hi Nahin is written by Jalal Lakhnavi. Read famous Poem Subh Ho Sham Judai Ki Ye Mumkin Hi Nahin for youth and Student by Jalal Lakhnavi. Free Download Subh Ho Sham Judai Ki Ye Mumkin Hi Nahin in PDF.