Tumhaare Did Ki Hasrat Bahut Mushkil Se Niklegi

tumhaare did ki hasrat bahut mushkil se niklegi

dua ban kar shab-e-gham wo hamare dil se niklegi

KHabar kya thi ki teri kaj-adai se but-e-raana

bisan-e-shama ro kar aarzu mahfil se niklegi

tamanna rafta rafta rang kuchh dikhlaegi apna

banegi nur-e-jaan aur dida-e-kaamil se niklegi

bisan-e-nikhat-e-gul chhup nahin sakti chhupane se

ye bu-e-KHun-e-ashiq daman-e-qatil se niklegi

nihan kya KHak hogi hasrat-e-didar aashiq ki

wo ek din yas ban kar dida-e-bismil se niklegi

dikhaegi mohabbat ek din un ko asar apna

samai dil mein jo un ke wo mere dil se niklegi

tasawwur jaanib-e-dil chahiye majnun tujhe karna

tu jis laila ka aashiq hai wo is mahmil se niklegi

Thahar ja naqa-e-dilbar ki main chumun qadam tere

sada ye musht-e-KHak-e-ashiq-e-be-dil se niklegi

zaban se nala-o-fariyaad karna hai abas tera

'jamila' wo dua kaam aaegi jo dil se niklegi

(514) Peoples Rate This

Your Thoughts and Comments

Tumhaare Did Ki Hasrat Bahut Mushkil Se Niklegi In English By Famous Poet Jameela Khuda Bakhsh. Tumhaare Did Ki Hasrat Bahut Mushkil Se Niklegi is written by Jameela Khuda Bakhsh. Read famous Poem Tumhaare Did Ki Hasrat Bahut Mushkil Se Niklegi for youth and Student by Jameela Khuda Bakhsh. Free Download Tumhaare Did Ki Hasrat Bahut Mushkil Se Niklegi in PDF.