Gaj Har Dil Pe Gire To Kya Karen Kis Se Kahen

gaj har dil pe gire to kya karen kis se kahen

mal-o-zar apna luTe to kya karen kis se kahen

chhoD den duniya nahin aisa koi bandhan magar

umr ke is daere ko kya karen kis se kahen

yun to hai mauqa naya naghma bane dilkash koi

dhun wahi har saz pe ho kya karen kis se kahen

dukh kaTe zahmat kaTe kaT jae bad-hali sabhi

waqt kaTe na kaTe to kya karen kis se kahen

is zamin se aasman tak hai bala ki raushni

ban ke aatish dil jale to kya karen kis se kahen

hum tabah hain to sarasar ghair pe ilzam hai

ghair bhi apna lage to kya karen kis se kahen

josh bhi tha walwale bhi kar guzarne ke magar

bas na kuchh apna chale to kya karen kis se kahen

(674) Peoples Rate This

Your Thoughts and Comments

Gaj Har Dil Pe Gire To Kya Karen Kis Se Kahen In English By Famous Poet Jatinder Vir Yakhmi 'jayaveer'. Gaj Har Dil Pe Gire To Kya Karen Kis Se Kahen is written by Jatinder Vir Yakhmi 'jayaveer'. Read famous Poem Gaj Har Dil Pe Gire To Kya Karen Kis Se Kahen for youth and Student by Jatinder Vir Yakhmi 'jayaveer'. Free Download Gaj Har Dil Pe Gire To Kya Karen Kis Se Kahen in PDF.