Agar Dil Ishq Ke Anwar Se Mamur Ho Jae

agar dil ishq ke anwar se mamur ho jae

to phir ye zarra KHud rashk-e-charagh-e-tur ho jae

tum apne jalwa-e-nauKHez par yun naz karte ho

agar mera dil-e-KHuddar bhi maghrur ho jae

faqat is raaz ko ahl-e-mohabbat hi samajhte hain

mayassar aae jitna qurb itna dur ho jae

mujhe ye zid ki un ke ru-e-zeba se naqab uTThe

unhen ye zid ki jalwa aur bhi mastur ho jae

wo mere dil ke gulshan mein agar aa jae ai 'jauhar'

to har ek na-shagufta ghuncha rang-o-nur ho jae

(821) Peoples Rate This

Your Thoughts and Comments

Agar Dil Ishq Ke Anwar Se Mamur Ho Jae In English By Famous Poet Jauhar Zahiri. Agar Dil Ishq Ke Anwar Se Mamur Ho Jae is written by Jauhar Zahiri. Read famous Poem Agar Dil Ishq Ke Anwar Se Mamur Ho Jae for youth and Student by Jauhar Zahiri. Free Download Agar Dil Ishq Ke Anwar Se Mamur Ho Jae in PDF.