Jao Qarar-e-be-dilan Sham-ba-KHair Shab-ba-KHair

jao qarar-e-be-dilan sham-ba-KHair shab-ba-KHair

sahn hua dhuan dhuan sham-ba-KHair shab-ba-KHair

sham-e-visal hai qarib subh-e-kamal hai qarib

phir na rahenge sargiran sham-ba-KHair shab-ba-KHair

wajd karegi zindagi jism-ba-jism jaan-ba-jaan

jism-ba-jism jaan-ba-jaan sham-ba-KHair shab-ba-KHair

ai mere shauq ki umang mere shabab ki tarang

tujh pe shafaq ka saeban sham-ba-KHair shab-ba-KHair

tu meri shaeri mein hai rang-e-taraaz o gul-fishan

teri bahaar be-KHizan sham-ba-KHair shab-ba-KHair

tera KHayal KHwab KHwab KHalwat-e-jaan ki aab-o-tab

jism-e-jamil-e-o-naujawan sham-ba-KHair shab-ba-KHair

hai mera nam-e-arjumand tera hisar-e-sar-buland

bano-e-shahr-e-jism-o-jaan sham-ba-KHair shab-ba-KHair

did se jaan-e-did tak dil se ruKH-e-umid tak

koi nahin hai darmiyan sham-ba-KHair shab-ba-KHair

ho gai der jao tum mujh ko gale lagao tum

tu meri jaan hai meri jaan sham-ba-KHair shab-ba-KHair

sham-ba-KHair shab-ba-KHair mauj-e-shamim-e-pairahan

teri mahak rahegi yan sham-ba-KHair shab-ba-KHair

(3095) Peoples Rate This

Your Thoughts and Comments

Jao Qarar-e-be-dilan Sham-ba-KHair Shab-ba-KHair In English By Famous Poet Jaun Eliya. Jao Qarar-e-be-dilan Sham-ba-KHair Shab-ba-KHair is written by Jaun Eliya. Read famous Poem Jao Qarar-e-be-dilan Sham-ba-KHair Shab-ba-KHair for youth and Student by Jaun Eliya. Free Download Jao Qarar-e-be-dilan Sham-ba-KHair Shab-ba-KHair in PDF.