Sina Dahak Raha Ho To Kya Chup Rahe Koi

sina dahak raha ho to kya chup rahe koi

kyun chiKH chiKH kar na gala chhil le koi

sabit hua sukun-e-dil-o-jaan kahin nahin

rishton mein DhunDhta hai to DhunDa kare koi

tark-e-talluqat koi masala nahin

ye to wo rasta hai ki bas chal paDe koi

diwar jaanta tha jise main wo dhul thi

ab mujh ko e'timad ki dawat na de koi

main KHud ye chahta hun ki haalat hun KHarab

mere KHilaf zahr ugalta phire koi

ai shaKHs ab to mujh ko sabhi kuchh qubul hai

ye bhi qubul hai ki tujhe chhin le koi

han Thik hai main apni ana ka mariz hun

aaKHir mere mizaj mein kyun daKHl de koi

ek shaKHs kar raha hai abhi tak wafa ka zikr

kash us zaban-daraaz ka munh noch le koi

(1158) Peoples Rate This

Your Thoughts and Comments

Sina Dahak Raha Ho To Kya Chup Rahe Koi In English By Famous Poet Jaun Eliya. Sina Dahak Raha Ho To Kya Chup Rahe Koi is written by Jaun Eliya. Read famous Poem Sina Dahak Raha Ho To Kya Chup Rahe Koi for youth and Student by Jaun Eliya. Free Download Sina Dahak Raha Ho To Kya Chup Rahe Koi in PDF.