Tujh Mein PaDa Hua Hun Harakat Nahin Hai Mujh Mein

tujh mein paDa hua hun harakat nahin hai mujh mein

haalat na puchhiyo tu haalat nahin hai mujh mein

ab to nazar mein aa ja banhon ke ghar mein aa ja

ai jaan teri koi surat nahin hai mujh mein

ai rang rang mein aa aaghosh-e-tang mein aa

baaten hi rang ki hain rangat nahin hai mujh mein

apne mein hi kisi ki ho ru-ba-rui mujh ko

hun KHud se ru-ba-ru hun himmat nahin hai mujh mein

ab to simaT ke aa ja aur ruh mein sama ja

waise kisi ki pyare wusat nahin hai mujh mein

shishe ke is taraf se main sab ko tak raha hun

marne ki bhi kisi ko fursat nahin hai mujh mein

tum mujh ko apne ram mein le jao sath apne

apne se ai ghazalo wahshat nahin hai mujh mein

(2158) Peoples Rate This

Your Thoughts and Comments

Tujh Mein PaDa Hua Hun Harakat Nahin Hai Mujh Mein In English By Famous Poet Jaun Eliya. Tujh Mein PaDa Hua Hun Harakat Nahin Hai Mujh Mein is written by Jaun Eliya. Read famous Poem Tujh Mein PaDa Hua Hun Harakat Nahin Hai Mujh Mein for youth and Student by Jaun Eliya. Free Download Tujh Mein PaDa Hua Hun Harakat Nahin Hai Mujh Mein in PDF.