Wo KHayal-e-muhaal Kis Ka Tha

wo KHayal-e-muhaal kis ka tha

aaina be-misal kis ka tha

safari apne aap se tha main

hijr kis ka visal kis ka tha

main to KHud mein kahin na tha maujud

mere lab par sawal kis ka tha

thi meri zat ek KHayal-ashob

jaane main ham-KHayal kis ka tha

jab ki main har-nafas tha be-ahwal

wo jo tha mera haal kis ka tha

dopahar baad-e-tund kucha-e-yar

wo ghubar-e-malal kis ka tha

(2432) Peoples Rate This

Your Thoughts and Comments

Wo KHayal-e-muhaal Kis Ka Tha In English By Famous Poet Jaun Eliya. Wo KHayal-e-muhaal Kis Ka Tha is written by Jaun Eliya. Read famous Poem Wo KHayal-e-muhaal Kis Ka Tha for youth and Student by Jaun Eliya. Free Download Wo KHayal-e-muhaal Kis Ka Tha in PDF.