Zikr Bhi Us Se Kya Bhala Mera

zikr bhi us se kya bhala mera

us se rishta hi kya raha mera

aaj mujh ko bahut bura kah kar

aap ne nam to liya mera

aaKHiri baat tum se kahna hai

yaad rakhna na tum kaha mera

ab to kuchh bhi nahin hun main waise

kabhi wo bhi tha mubtala mera

wo bhi manzil talak pahunch jata

us ne DhunDa nahin pata mera

tujh se mujh ko najat mil jae

to dua kar ki ho bhala mera

kya bataun bichhaD gaya yaran

ek bilqis se saba mera

(1352) Peoples Rate This

Your Thoughts and Comments

Zikr Bhi Us Se Kya Bhala Mera In English By Famous Poet Jaun Eliya. Zikr Bhi Us Se Kya Bhala Mera is written by Jaun Eliya. Read famous Poem Zikr Bhi Us Se Kya Bhala Mera for youth and Student by Jaun Eliya. Free Download Zikr Bhi Us Se Kya Bhala Mera in PDF.