Zikr-e-gul Ho Khaar Ki Baaten Karen

zikr-e-gul ho KHar ki baaten karen

lazzat-o-azar ki baaten karen

hai masham-e-shauq mahrum-e-shamim

zulf-e-ambar-bar ki baaten karen

dur tak KHali hai sahara-e-nazar

aahu-e-tatar ki baaten karen

aaj kuchh na-saz hai tab-e-KHirad

nargis-e-bimar ki baaten karen

yusuf-e-kanan ka ho kuchh tazkira

misr ke bazar ki baaten karen

aao ai KHufta-nasibo muflisho

daulat-e-bedar ki baaten karen

'jaun' aao karwan-dar-karwan

manzil-e-dushwar ki baaten karen

(3672) Peoples Rate This

Your Thoughts and Comments

Zikr-e-gul Ho Khaar Ki Baaten Karen In English By Famous Poet Jaun Eliya. Zikr-e-gul Ho Khaar Ki Baaten Karen is written by Jaun Eliya. Read famous Poem Zikr-e-gul Ho Khaar Ki Baaten Karen for youth and Student by Jaun Eliya. Free Download Zikr-e-gul Ho Khaar Ki Baaten Karen in PDF.