Fan Para

ye kitabon ki saf-ba-saf jilden

kaghazon ka fuzul istimal

raushnai ka shandar israf

sidhe sidhe se kuchh siyah dhabbe

jin ki taujih aaj tak na hui

chand KHush-zauq kam-nasibon ne

basar auqat ke liye shayad

ye lakiren bikher Dali hain

kitni hi be-qusur naslon ne

in ko paDhne ke jurm mein ta-umr

le ke kashkul-e-ilm-o-hikmat-o-fan

ku-ba-ku jaan ki bhik mangi hai

aah ye waqt ka azab-e-alim

waqt KHallaq be-shuur qadim

sari tarifen un andheron ki

jin mein partaw na koi parchhain

aah ye zindagi ki tanhai

sochna aur sochte rahna

chand masum pagalon ki saza

aaj main ne bhi soch rakkha hai

waqt se intiqam lene ko

yunhi ta-sham sade kaghaz par

TeDhe TeDhe KHutut khinche jaen

(2306) Peoples Rate This

Your Thoughts and Comments

Fan Para In English By Famous Poet Jaun Eliya. Fan Para is written by Jaun Eliya. Read famous Poem Fan Para for youth and Student by Jaun Eliya. Free Download Fan Para in PDF.