عجب حالت ہماری ہو گئی ہے

عجب حالت ہماری ہو گئی ہے

یہ دنیا اب تمہاری ہو گئی ہے

سخن میرا اداسی ہے سر شام

جو خاموشی پہ طاری ہو گئی ہے

بہت ہی خوش ہے دل اپنے کیے پر

زمانے بھر میں خواری ہو گئی ہے

وہ نازک لب ہے اب جانے ہی والا

مری آواز بھاری ہو گئی ہے

دل اب دنیا پہ لعنت کر کہ اس کی

بہت خدمت گزاری ہو گئی ہے

یقیں معذور ہے اب اور گماں بھی

بڑی بے روزگاری ہو گئی ہے

وہ اک باد شمالی رنگ جو تھی

شمیم اس کی سواری ہو گئی ہے

مرے پاس آ کے خنجر بھونک دے تو

بہت نیزہ گزاری ہو گئی ہے

(3246) ووٹ وصول ہوئے

Your Thoughts and Comments

Ajab Haalat Hamari Ho Gai Hai In Urdu By Famous Poet Jaun Eliya. Ajab Haalat Hamari Ho Gai Hai is written by Jaun Eliya. Enjoy reading Ajab Haalat Hamari Ho Gai Hai Poem on Inspiration for Students, Youth, Girls and Boys by Jaun Eliya. Free Dowlonad Ajab Haalat Hamari Ho Gai Hai by Jaun Eliya in PDF.