دل پریشاں ہے کیا کیا جائے

دل پریشاں ہے کیا کیا جائے

عقل حیراں ہے کیا کیا جائے

شوق مشکل پسند ان کا حصول

سخت آساں ہے کیا کیا جائے

عشق خوباں کے ساتھ ہی ہم میں

ناز خوباں ہے کیا کیا جائے

بے سبب ہی مری طبیعت غم

سب سے نالاں ہے کیا کیا جائے

باوجود ان کی دل نوازی کے

دل گریزاں ہے کیا کیا جائے

میں تو نقد حیات لایا تھا

جنس ارزاں ہے کیا کیا جائے

ہم سمجھتے تھے عشق کو دشوار

یہ بھی آساں ہے کیا کیا جائے

وہ بہاروں کی ناز پروردہ

ہم پہ نازاں ہے کیا کیا جائے

مصر لطف و کرم میں بھی اے جونؔ

یاد کنعاں ہے کیا کیا جائے

(2664) ووٹ وصول ہوئے

Your Thoughts and Comments

Dil Pareshan Hai Kya Kiya Jae In Urdu By Famous Poet Jaun Eliya. Dil Pareshan Hai Kya Kiya Jae is written by Jaun Eliya. Enjoy reading Dil Pareshan Hai Kya Kiya Jae Poem on Inspiration for Students, Youth, Girls and Boys by Jaun Eliya. Free Dowlonad Dil Pareshan Hai Kya Kiya Jae by Jaun Eliya in PDF.