جی ہی جی میں وہ جل رہی ہوگی

جی ہی جی میں وہ جل رہی ہوگی

چاندنی میں ٹہل رہی ہوگی

چاند نے تان لی ہے چادر ابر

اب وہ کپڑے بدل رہی ہوگی

سو گئی ہوگی وہ شفق اندام

سبز قندیل جل رہی ہوگی

سرخ اور سبز وادیوں کی طرف

وہ مرے ساتھ چل رہی ہوگی

چڑھتے چڑھتے کسی پہاڑی پر

اب وہ کروٹ بدل رہی ہوگی

پیڑ کی چھال سے رگڑ کھا کر

وہ تنے سے پھسل رہی ہوگی

نیلگوں جھیل ناف تک پہنے

صندلیں جسم مل رہی ہوگی

ہو کے وہ خواب عیش سے بیدار

کتنی ہی دیر شل رہی ہوگی

(3721) ووٹ وصول ہوئے

Your Thoughts and Comments

Ji Hi Ji Mein Wo Jal Rahi Hogi In Urdu By Famous Poet Jaun Eliya. Ji Hi Ji Mein Wo Jal Rahi Hogi is written by Jaun Eliya. Enjoy reading Ji Hi Ji Mein Wo Jal Rahi Hogi Poem on Inspiration for Students, Youth, Girls and Boys by Jaun Eliya. Free Dowlonad Ji Hi Ji Mein Wo Jal Rahi Hogi by Jaun Eliya in PDF.