لمحے لمحے کی نارسائی ہے

لمحے لمحے کی نارسائی ہے

زندگی حالت جدائی ہے

مرد میداں ہوں اپنی ذات کا میں

میں نے سب سے شکست کھائی ہے

اک عجب حال ہے کہ اب اس کو

یاد کرنا بھی بے وفائی ہے

اب یہ صورت ہے جان جاں کہ تجھے

بھولنے میں مری بھلائی ہے

خود کو بھولا ہوں اس کو بھولا ہوں

عمر بھر کی یہی کمائی ہے

میں ہنر مند رنگ ہوں میں نے

خون تھوکا ہے داد پائی ہے

جانے یہ تیرے وصل کے ہنگام

تیری فرقت کہاں سے آئی ہے

(3247) ووٹ وصول ہوئے

Your Thoughts and Comments

Lamhe Lamhe Ki Na-rasai Hai In Urdu By Famous Poet Jaun Eliya. Lamhe Lamhe Ki Na-rasai Hai is written by Jaun Eliya. Enjoy reading Lamhe Lamhe Ki Na-rasai Hai Poem on Inspiration for Students, Youth, Girls and Boys by Jaun Eliya. Free Dowlonad Lamhe Lamhe Ki Na-rasai Hai by Jaun Eliya in PDF.