روح پیاسی کہاں سے آتی ہے

روح پیاسی کہاں سے آتی ہے

یہ اداسی کہاں سے آتی ہے

ہے وہ یک سر سپردگی تو بھلا

بد حواسی کہاں سے آتی ہے

وہ ہم آغوش ہے تو پھر دل میں

نا شناسی کہاں سے آتی ہے

ایک زندان بے دلی اور شام

یہ صبا سی کہاں سے آتی ہے

تو ہے پہلو میں پھر تری خوشبو

ہو کے باسی کہاں سے آتی ہے

دل ہے شب سوختہ سوائے امید

تو ندا سی کہاں سے آتی ہے

میں ہوں تجھ میں اور آس ہوں تیری

تو نراسی کہاں سے آتی ہے

(5054) ووٹ وصول ہوئے

Your Thoughts and Comments

Ruh Pyasi Kahan Se Aati Hai In Urdu By Famous Poet Jaun Eliya. Ruh Pyasi Kahan Se Aati Hai is written by Jaun Eliya. Enjoy reading Ruh Pyasi Kahan Se Aati Hai Poem on Inspiration for Students, Youth, Girls and Boys by Jaun Eliya. Free Dowlonad Ruh Pyasi Kahan Se Aati Hai by Jaun Eliya in PDF.