ذکر گل ہو خار کی باتیں کریں

ذکر گل ہو خار کی باتیں کریں

لذت و آزار کی باتیں کریں

ہے مشام شوق محروم شمیم

زلف عنبر بار کی باتیں کریں

دور تک خالی ہے صحرائے نظر

آہوئے تاتار کی باتیں کریں

آج کچھ ناساز ہے طبع خرد

نرگس بیمار کی باتیں کریں

یوسف کنعاں کا ہو کچھ تذکرہ

مصر کے بازار کی باتیں کریں

آؤ اے خفتہ نصیبو مفلسو

دولت بیدار کی باتیں کریں

جونؔ آؤ کارواں در کارواں

منزل دشوار کی باتیں کریں

(3673) ووٹ وصول ہوئے

Your Thoughts and Comments

Zikr-e-gul Ho Khaar Ki Baaten Karen In Urdu By Famous Poet Jaun Eliya. Zikr-e-gul Ho Khaar Ki Baaten Karen is written by Jaun Eliya. Enjoy reading Zikr-e-gul Ho Khaar Ki Baaten Karen Poem on Inspiration for Students, Youth, Girls and Boys by Jaun Eliya. Free Dowlonad Zikr-e-gul Ho Khaar Ki Baaten Karen by Jaun Eliya in PDF.