ہمارے شوق کی یہ انتہا تھی

ہمارے شوق کی یہ انتہا تھی

قدم رکھا کہ منزل راستا تھی

بچھڑ کے ڈار سے بن بن پھرا وہ

ہرن کو اپنی کستوری سزا تھی

کبھی جو خواب تھا وہ پا لیا ہے

مگر جو کھو گئی وہ چیز کیا تھی

میں بچپن میں کھلونے توڑتا تھا

مرے انجام کی وہ ابتدا تھی

محبت مر گئی مجھ کو بھی غم ہے

مرے اچھے دنوں کی آشنا تھی

جسے چھو لوں میں وہ ہو جائے سونا

تجھے دیکھا تو جانا بد دعا تھی

مریض خواب کو تو اب شفا ہے

مگر دنیا بڑی کڑوی دوا تھی

(2199) ووٹ وصول ہوئے

Your Thoughts and Comments

Hamare Shauq Ki Ye Intiha Thi In Urdu By Famous Poet Javed Akhtar. Hamare Shauq Ki Ye Intiha Thi is written by Javed Akhtar. Enjoy reading Hamare Shauq Ki Ye Intiha Thi Poem on Inspiration for Students, Youth, Girls and Boys by Javed Akhtar. Free Dowlonad Hamare Shauq Ki Ye Intiha Thi by Javed Akhtar in PDF.