مجھ کو یقیں ہے سچ کہتی تھیں جو بھی امی کہتی تھیں

مجھ کو یقیں ہے سچ کہتی تھیں جو بھی امی کہتی تھیں

جب میرے بچپن کے دن تھے چاند میں پریاں رہتی تھیں

ایک یہ دن جب اپنوں نے بھی ہم سے ناطہ توڑ لیا

ایک وہ دن جب پیڑ کی شاخیں بوجھ ہمارا سہتی تھیں

ایک یہ دن جب ساری سڑکیں روٹھی روٹھی لگتی ہیں

ایک وہ دن جب آؤ کھیلیں ساری گلیاں کہتی تھیں

ایک یہ دن جب جاگی راتیں دیواروں کو تکتی ہیں

ایک وہ دن جب شاموں کی بھی پلکیں بوجھل رہتی تھیں

ایک یہ دن جب ذہن میں ساری عیاری کی باتیں ہیں

ایک وہ دن جب دل میں بھولی بھالی باتیں رہتی تھیں

ایک یہ دن جب لاکھوں غم اور کال پڑا ہے آنسو کا

ایک وہ دن جب ایک ذرا سی بات پہ ندیاں بہتی تھیں

ایک یہ گھر جس گھر میں میرا ساز و ساماں رہتا ہے

ایک وہ گھر جس گھر میں میری بوڑھی نانی رہتی تھیں

(1619) ووٹ وصول ہوئے

Your Thoughts and Comments

Mujhko Yaqin Hai Sach Kahti Thin Jo Bhi Ammi Kahti Thin In Urdu By Famous Poet Javed Akhtar. Mujhko Yaqin Hai Sach Kahti Thin Jo Bhi Ammi Kahti Thin is written by Javed Akhtar. Enjoy reading Mujhko Yaqin Hai Sach Kahti Thin Jo Bhi Ammi Kahti Thin Poem on Inspiration for Students, Youth, Girls and Boys by Javed Akhtar. Free Dowlonad Mujhko Yaqin Hai Sach Kahti Thin Jo Bhi Ammi Kahti Thin by Javed Akhtar in PDF.