تسبیح و سجدہ گاہ بھی سجدہ بھی مست مست

تسبیح و سجدہ گاہ بھی سجدہ بھی مست مست

قبلہ بھی مست مست ہے کعبہ بھی مست مست

قطرہ بھی اپنی موج میں دجلہ بھی موج میں

دریا بھی مست مست ہے صحرا بھی مست مست

خورشید و ماہتاب بھی ذرہ بھی بے دماغ

ادنیٰ و پست و ارفع و اعلیٰ بھی مست مست

میرا وجود اور وجود عدم بھی مست

پنہاں بھی مست مست ہے پیدا بھی مست مست

آئینہ عکس اور پس آئینہ بھی مست

پوشیدہ مست خواب ہویدا بھی مست مست

عالی جناب قبلہ و کعبہ حضور من

میں ہی نہیں ہوں قبلہ و کعبہ بھی مست مست

ساغر صراحی جام پیالہ بھی مست مست

ساقی بھی مست مست ہے صہبا بھی مست مست

یخ بستگی بھی مست ہے اور آہ سرد بھی

چنگاری آگ آگ کا شعلہ بھی مست مست

اے بے خودی سلام تجھے تیرا شکریہ

دنیا بھی مست مست ہے عقبیٰ بھی مست مست

کچھ تیری مدھ بھری ہوئی آنکھیں بھی مست ہیں

کچھ ان کے ساتھ ساتھ زمانہ بھی مست مست

(1046) ووٹ وصول ہوئے

Your Thoughts and Comments

Tasbih O Sajda-gah Bhi Sajda Bhi Mast Mast In Urdu By Famous Poet Javed Saba. Tasbih O Sajda-gah Bhi Sajda Bhi Mast Mast is written by Javed Saba. Enjoy reading Tasbih O Sajda-gah Bhi Sajda Bhi Mast Mast Poem on Inspiration for Students, Youth, Girls and Boys by Javed Saba. Free Dowlonad Tasbih O Sajda-gah Bhi Sajda Bhi Mast Mast by Javed Saba in PDF.