ایک کیفیت
دھند کے درمیان معلق دنوں میں
خشک لمحے میرے اندر گرتے رہتے ہیں
اور دل کو بھر دیتے ہیں
میں قدم دھرنے سے ڈرتا ہوں
سوچتا ہوں
کہیں کچھ ٹوٹ نہ جائے
اور آرام کی خواہش مند ہوا
نیند سے جاگ نہ جائے
لمبی فراغتوں میں
آسمان کی خالی نیلاہٹوں کو
گرد سے بھرتے دیکھتا رہتا ہوں
ایک جیسے مناظر
فرار کی خواہش میں
چاروں طرف دیکھتے رہتے ہیں
چور راستے تلاش کرتے رہتے ہیں
شام ہونے سے پہلے ہی
سردی کے تیز ریزے
بدن میں اترنے لگتے ہیں
ہوا کی غیر موجودگی میں
بکھرے ہوئے خشک لمحوں کو
خود ہی جمع کرتا ہوں
ان سے آگ روشن کرتا ہوں
غیر محفوظ راتوں میں جاگنے کے لیے
زندہ رہنے کے لیے
(839) ووٹ وصول ہوئے
Ek Kaifiyat In Urdu By Famous Poet Javed Shaheen. Ek Kaifiyat is written by Javed Shaheen. Enjoy reading Ek Kaifiyat Poem on Inspiration for Students, Youth, Girls and Boys by Javed Shaheen. Free Dowlonad Ek Kaifiyat by Javed Shaheen in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends