ظلم حد سے گزرتا رہا

ظلم حد سے گزرتا رہا

اشک فریاد کرتا رہا

ڈر نہیں دشمنوں کا مجھے

اپنے سائے سے ڈرتا رہا

اس کا کردار تھا آئنہ

عمر بھر میں سنورتا رہا

پوچھ کر خیریت وہ مری

اور بیمار کرتا رہا

زندگی تیری تعمیر میں

ٹوٹ کر میں بکھرتا رہا

ایک پل کی خوشی کے لئے

آدمی روز مرتا رہا

رنگ محفل تو بدلا نہیں

لاکھ کوشش میں کرتا رہا

کون جاویدؔ دل میں ترے

رفتہ رفتہ اترتا رہا

(1302) ووٹ وصول ہوئے

Your Thoughts and Comments

Zulm Had Se Guzarta Raha In Urdu By Famous Poet Javed Siddiqi Azmi. Zulm Had Se Guzarta Raha is written by Javed Siddiqi Azmi. Enjoy reading Zulm Had Se Guzarta Raha Poem on Inspiration for Students, Youth, Girls and Boys by Javed Siddiqi Azmi. Free Dowlonad Zulm Had Se Guzarta Raha by Javed Siddiqi Azmi in PDF.